L-użu kritiku tal-mużika Maltija fit-tagħlim tal-grammatika tal-Malti : studju ta’ każ multimodali

Abstract

Din it-teżi se turi kif il-kuntest ta’ tagħlim tal-grammatika Maltija għall-kelliema nattivi jista’ jissaħħaħ bl-integrazzjoni tal-mużika Maltija u materjal relatat. Dan sabiex it-tagħlim tal grammatika jqanqal iżjed interess fl-istudenti u jkunu parteċipanti attivi fil-lezzjonijiet. F’dan l istudju, permezz tal-osservazzjonijiet fil-lezzjonijiet u n-noti kritiċi li ħadt, se nkun qed nanalizza l-metodi pedagoġiċi li addottaw l-għalliema biex jgħallmu l-grammatika. Minn dawn l osservazzjonijiet ħriġt xi temi komuni u analizzajthom u dawn it-temi wrew li l-għalliema ma kinux qed ipoġġu lill-istudenti fiċ-ċentru u l-istudenti ftit li xejn kienu jingħataw l-opportunità li jipparteċipaw. B’rabta ma’ dak li ħareġ mill-analiżi se nagħti suġġerimenti dwar kif il-mużika Maltija u materjal relatat jistgħu jintużaw f’fażijiet differenti tal-lezzjoni u jkunu ta’ benefiċċju għall-istudenti.