Il-logħob tan-nar fil-mixja taż-żmien

Abstract

Qabel waslu l-Kavallieri fostna ftit li xejn għandna tagħrif dwar il-logħob tan-nar fil-festi, għajr forsi l-ħġejjeġ u l-fjakkli li kienu jinxtegħlu, u l-aktar li tissemma kienet il-festa ta' l-Imnarja. Fi żmien l-Ordni tibqa' magħrufa l-ħuġġieġa ta' San Ġwann, iżda mal-mixja tas-snin l-isparar sab postu fil-festi reliġjużi, u l-bumbardieri kienu juru l-ferħ tagħhom lill-Patruna Santa Barbara, b'salut ta' tiri mill-kanuni fuq is-swar tal-Belt Valletta. Bl-esperjenza li kellhom il-bumbardieri Maltin mill-balal tal-kanuni malajr żviluppaw kif setgħu jisparaw minn reċipjenti tal-bronż b'toqba fin-nofs, fejn kien jintrass il-polvri u b'niċċa taqbad fit-tarf tagħha sabu li l-kuntatt ġewwa joħroġ l-isplużjoni.