Meta ċediet l-Italja u l-flotta Taljana ġiet internata f’Malta Settembru 1943

Abstract

L-artiklu joffri nformazzjoni fuq l-invażjoni tal-Ewropa Fortizza (kif kienet tissejjaħ il-ħakma Nażista/Faxxista tal-Ewropa). Il-Kmandanti Alleati ddeċidew li jinvadu Sqallija. Biex ifixklu lill-Assi bdiet tiġri l-aħbar li l-Alleati se jinvadu l-Greċja. Nsibu taghrif fuq l-armistizju li ġie ffirmat f’Cassibile, Sqallija fit-3 ta’ Settembru 1943. Dan il-ftehim kien jgħid li l-Italja kellha ċċedi f’idejn l-Alleati. L-Armistizju ġie mxandar fit-8 ta’ Settembru 1943. L-Alleati riedu li l-Italja tikkopera fl-armistizju u mill-ewwel ordnaw li l-flotta navali Taljana titlaq mill-portijiet tagħha u ssalpa lejn Malta. L-battleship 'Roma' intlaqat minn bombi Germanizi u ghereq, fejn żewġ ammiralli, sitta u tmenin uffiċjal u 1,264 baħri tilfu ħajjithom. Battleship ieħor, l-Italja, intlaqat, però ma għeriqx. Meta l-flotta Taljana qorbot lejn Malta, ltaqgħet ma’ dik Ingliża, fejn ġiet eskortata minn HMS Warspite, HMS Valiant u l- 8th Destroyer Flotilla. Sal-aħħar ta’ Settembru kienu waslu f’Malta sitta u sebgħin bastiment navali Taljan. Fil-bidu ta’ Ottubru, il-bastimenti ġew ordnati biex isalpaw lejn l-Eġittu.