Ta’ Ċenċ...Ġnien naturali tax-xagħri

Abstract

Meta nitkellmu dwar Ta' Ċenċ nifhmu dik il-pjanura xagħrija fin-nofsinhar ta' Għawdex, 'l ġewwa mir-raħal rustiku ta' Sannat. Din il-medda ta' art b'kampanja miftuħa, li fiha madwar kilometru u nofs kwadru, tibda miċ-Ċnus fuq naħa u twassal sal-Ponta ta' l-lskandlu, ħdejn il-Kantra ta' Mġarr ix-Xini, fuq in-naħa l-oħra. Fiha nsibu numru ta' nħawi b'diversi ismijiet, fosthom Il-Misraħ, ix-Xagħra l-Kbira, Tal-Għadira, Tal-Kalkara, Il-Qortin il-Kbir, il-Qortin iż-Żgħir, Ta' Nanas, il-Blat Ta' Psaila, ls-Sisien, Wied Sabbar, u Ras in-Newwiela. Dawn kollha jiffurmaw kumpless kbir ta' xagħri u steppa tal-blat magħrufin għan-numru kbir ta' speċi ta' flora li jikbru fihom, fosthom diversi speċi ta' Orkidi u Tengħud, Ħalib it-Tajr, Narċis, Beżżulet il-Baqra, Fejġel, Sagħtar u ħafna oħrajn li jwarrdu fi staġun jew ieħor.