Sehem is-Soċjetà Filarmonika Nicoló Isouard fiċ-Ċelebrazzjonijiet ta' l-Inkurunazzjoni ta' l-Assunta fl-1975

Abstract

Kien is-Sibt, 26 ta' Jannar 1974, meta ġie mħabbar li wasal id-digriet li bih il-Papa Pawlu VI kien awtorizza lill-Arċisqof Mikiel Gonzi biex jinkuruna x-xbiha tal-Assunta. Għalhekk, kien ovvju li kemm il-poplu Mosti kif ukoll s-Soċjeta Nicolo Isouard jilqgħu din l-aħbar bl-akbar sodisfazzjon. U kien proprju fis-seduta tal-Ħamis 31 ta' Jannar 1974, meta l-Kumitat intrabat li jagħti sehem sħiħ fil-festi kbar li kien ser jitħejjew. L-istess deċiżjoni ġiet ikkonfermata fil-Laqgħa Ġenerali ta' il-Ħadd 17 ta' Frar 1974. Għalhekk il-bandisti u l-kumitat tas-Soċjeta intrabtu volontarjament li jieħdu parti importanti tal-festi tal-Inkurunazzjoni billi l-banda tieħu sehem sħiħ fil-festi u tagħmel il-parti soċjali tagħha.