Xandru Pulis u l-Knisja li bena

Abstract

Xandru Pulis twieled f'Bormla fit-2 ta' Marzu 1662, u kien involut fil-bini tal-Knisja Parrokkjali taż-Żejtun mill-bidu nett, fit-13 ta' Erar 1712 meta għall-ewwel darb Xandru beda jissejjah Kapu Mastru. Hu kien l-unika wieħed li kien jissejjaħ hekk fuq is-sit ta' kostruzzjoni tal-knisja u għalek nistgħu ngħidu li minn din id-data hu kellu r-responsabilta' kollha ta' dan ix-xogħol. Fl-istorja ta' l-arkitettura Maltija, nsibu li it-titlu ta' Kapu Mastru kellu importanza kważi daqs dak ta' perit, jiġifieri l-persuna li jħożż fuq il-ġebla dak li l-perit kien iħożż fuq il-karti. Kien hu li jagħmel il-mollijiet u joħroġ l-Ordnijiet ta' l-Arkitettura u l-lavur marbut ma’ l-istess ordnijiet. Kien il-persuna li jieħu ħsieb l-isterjotomija tal-bini, jiġifieri it-tfassil u l-qtugħ tal-ġebel biex jifforma l-bini.