Malta, Atlantis u Grognet

Abstract

Fis-sena 1826, Grognet ġiet f'idejh ħaġra stramba li nstabet f'bitħa fl-Imdina, li fuqha kien hemm skrizzjonijiet li skond hu kienu ta' qabel id-dilluvju u li n-natura ta' l-inqix tal-kitba kienet Atlantika-fenicja. Grognet bagħat din il-ħaġra lill-Akkademja Asjatika ta' Pariġi biex isir l-istudju meħtieġ fuqha li welldu aktar kwistjonijiet u kontroversji. Minkejja li din is-sejba flok issarfet f'tifħir, ħolqot ħafna għajdut u dubji tant li anke riedu jgħidu li kienet sejba-finta, Grognet ma qatgħax qalbu. Anzi ssokta bil-ħsieb li jsib tarf dak li kien ilu jinkiteb dwar Atlantis, iżda fuq kollox biex jipprova li l-kitba tal-filosfu Grieg Platun ma kinitx ħrafa. Dan l-artiklu jħares lejn il-geologija ta' Malta u l-istorja ta' kif iffurmaw dawn il-gzejjer kif ukoll b'informazzjoni ta' kif kittieba u xjentisti kienu jaħsbu li Malta kienet parti minn Atlantis.