Bil-kelma t-tajba : prinċipji u kreattivita’ fil-pedagoġija tal-lingwa

Abstract

Il-kelma t-tajba fit-tagħlim tal-Malti bħala Lingwa Barranija (MLB) għandha tkun dik li l-iżjed tgħin lill-istudent jitgħallem. Kif nispjega fit-tieni parti tal-ktieb, dawn l-istudenti jkollhom esperjenzi varji ta’ ħafna lingwi, u dan iservi ta’ vantaġġ fit-tagħlim tal-Malti. Jien nipproponi metodoloġija pluralistika għax rajtha taħdem fil-klassijiet Maltin, kemm maż-żgħar kif ukoll mal-kbar. Il-frażi ‘bil-kelma t-tajba’ tindika li wieħed għandu għażla. Il-pedagoġija tal-għażla hija fundamentali fit-tagħlim b’mod awtonomu. Fl-aħħar kapitlu nipprovdi qafas ta’ kif nistgħu nimxu ftit passi oħra ’l quddiem fil-metodoloġija tal-Malti. Dan jista’ jsir jekk ikun hemm rieda tajba min-naħa tal-għalliema u tal-istudenti, kif ukoll ta’ min imexxi l-iskejjel. Nawgura li l-għażla tal-kelma t-tajba li ppruvajt nagħmel f’dan il-ktieb tkun ta’ fejda għall-għalliema u għall-istudenti tagħna. [Silta meħuda mid-Daħla tal-ktieb]