L-ispirazzjoni u l-verita' Biblika

Abstract

Il-kelma ta' Alla mlissna jew miktuba tissejjaħ ispirata. Din it-terminoloġija toħroġ minn żewġ testi tat-T.G. Pawlu jgħid: "l-Iskrittura kollha hija divinament ispirata, teopneustos" (2 Tim 3,15). Il-kelma teàpneustos, minn teos (Alla) u pneuma (spirtu), tfisser imxappa bl-ispirtu ta' Alla jew imxappa minn Alla bl-ispirtu. Hija kelma rara. Ma tinsabx fil-Grieg klassiku. Tidher f'erba' dokumenti antiki ta' wara Pawlu. Forsi ħalaqha Pawlu stess. Forsi sabha fl-ambjent re!igjuż ta' madwaru. Pietru jgħid li l-profezija ma ġietx mir-rieda tal-bnedmin, għaliex il-bnedmin ta' Alla tkellmu "merfugħin, feromenoi, mill-Ispirtu s-Santu" (2 Pt 1,21). Il-kelma feromenoi ħija partiċipju passiv tal-verb fero, refa', ġarr, qandel, ġieh, qanqal. Iż-żewġ testi meħudin flimkien juru li l-awturi tal-kotba mqaddsa kienu mmexxija mill-Ispirtu divin u li l-kitba tagħhom għandha l-Ispirtu divin. Dawn it-testi jaqblu ma' ħafna oħrajn li jsemmu l-Ispirtu ta' Alla fil-ħidma tiegħu stess jew fil-kliem, kitba u għemil tal-bnedmin ta' Alla.