It-tagħlim tal-Malti

Abstract

"I believe that language is the most powerful and most effective educational instrument, mainly because it is in its nature, human. It is the product of man's own intellectuality, and it possesses that characteristic which is found in human affairs". Hekk mar jgħid ic-"Chairman" Rev Dr. J.E.C. Welldon, Rettur ta' Harrow f'laqgħa annwali tal-Modern Language Association" li saret fil-"College of Receptors" fit-23 ta' Dicembru 1897". Il-bniedem ma jgħixx bil-ħobż biss. Hemm ħwejjeġ oħra li jiswew daqs il-ħobż u oħrajn li jiswew bosta aktar. It-trobbija tat-tfal fuq sisien tajba; it-tagħlim fuq il-ħajja, fuq is-saħħa, fuq l-imġieba xierqa fis-soċjeta' huma kollha ħwejjeġ ta' siwi bla tarf, li mingħajrhom il-bniedem qatt ma jista jieħu dik is-sura ta' ġieh, ta' safa' ta' hena, li jixraqlu tassew, fil-qagħda tiegħu ta' bniedem u ta' nisrani. Dan it-tagħlim lit-tfal u liż-żagħżagħ ma jistax isir sewwa ħlief bil-kelma tagħhom, jigifieri b'dik il-kelma li huma semgħu u tgħallmu minn ommhom u li huma jifhmu bla tbatija u li huma jitħadtu u jfissru ħsebijiethom u qlubhom fil ħabtiet kollha tal-ħajja ckejkna tagħhom [...].