Storja fil-qosor ta' l-elezzjonijiet f'Malta

Abstract

L-ewwel elezzjonijiet f'Malta, kontra dak li jaħsbu x'uħud, saru f'Awwissu 1849, billi f'dik is-sena Malta kienet ingħatat Kostituzzjoni li biha twaqqaf Kunsill ta' Gvern magħmul minn 18-il membru - tmienja minnhom eletti mill-poplu. (B'hekk Malta saret it-tieni kolonja Ingliża li bdiet taħtar parti mill-Gvern permezz tal-vot). Sintendi l-ftit kellhom il-vot billi dan ingħata biss lil dawk li kienu jafu tajjeb bit-Taljan jew bl-Ingliż u li kellhom renta ta' 100 skud fis-sena minn xi proprjeta', jew inkella kienu jħallsu 50 skud kera. Minħabba li l-vot kien bil-proprjeta', f'Għawdex, fejn kien jiġi. elett wieħed mit-tmien kandidati insibu li kien hemm aktar eletturi jgħixu f'Malta u jivvutaw għall-kandidat li jiġi elett biex jirrappreżenta Għawdex milli kien hemm Għawdxin. Dan għaliex il-parti l-kbira tal-proprjeta' kienet f'idejn il-Maltin. Ta' min jinnota wkoll li f'din l-elezzjoni l-vot ma kienx jintiret, għalhekk f'Malta kull min jixħet il-vot kien jimmarka erba ismijiet, li lkoll kienu jieħdu l-vot; u f'Għawdex jivvutaw għal wieħed biss. F'Malta l-aktar sebgħa li jġibu voti (basta 'l fuq minn mija) - jiġu eletti. F'Għawdex sintendi l-aktar wieħed li jġib voti kien jiġi elett. [silta]