Analiżi dwar sa fejn jasal il-ġurnalizmu mill-Qorti

Abstract

Din l-analiżi titratta l-limiti u l-parametri li fihom joperaw il-ġurnalisti li jirrapportaw mill-Qorti f'Malta u tipparaguna s-sitwazzjoni f'Malta ma' dik ta' pajjizi barranin. Bħala eżempju għall-paragun, l-analiżi titratta r-regoli stabbiliti mill-BBC u tiffoka fuq il-limiti stabbiliti mil-liġi dwar rappurtaġġ qabel jibda l- ġuri, waqt il-ġuri u wara. L-analiżi tikkonċerna wkoll il-privileġġi li għandhom il-ġurnalisti fir-rappurtaġġ tagħhom mill-Qorti għall-fatt li dak kollu li jingħad fl-awla hu kopert mil-liġi u sakemm ma jkunx hemm divjett mill-Qorti, dan jista' jkun pubblikat bla ma jkunu jistgħu jittieħdu passi fil-Qorti kontra l-ġurnalist li jkun kitbu. L-analizi tiffoka wkoll fuq id-Data Protection Act u tidħol fid-dettal tal-mod kif kienu rappurtati każi partikolari li whud minnhom spiccaw quddiem il-Qorti f'kumpilazzjoni jew ġuri u ohrajn ittieħdu passi dwarhom wara li kienu pubblikati fil-ġurnali. L-analiżi tikkunsidra dawn l-aspetti kollha fil-kuntest tad-drittijiet fundamentali tal-bniedem u tikkonkludi li s-sistema Maltija dwar ir-rappurtaġġ mill-Qorti hi limitata ħafna fl-analizi professjonali ta' dak li jkun seħħ fil-ġurijiet jew fil-kumpilazzjonijiet fil-Qorti.