Lorenzo Zammit Haber : patrijott Xewki u Għawdxi magħruf

Abstract

Lorenzo Haber twieled nhar l-10 ta’ Novembru 1875 fix-Xewkija, Għawdex u studja taħt il-Ġiżwiti fis-Seminarju ta’ Għawdex. Lorenzo hu deskritt bħala kollezjonista ta’ oġġetti u dokumenti qodma b’rabta mal-Melitensia u l-istorja ta’ pajjiżna, kif ukoll dak kollu b’rabta mal-Arkeoloġija u l-istorja ta’ dawn il-gżejjer. Hu kien intagħżel mill-Gvernatur Ingliż sabiex jieħu post il-Maġġur Hugh Braun bħala membru fi ħdan il-Kumitat tal-Monumenti Antiki. Lorenzo kellu ukoll rabtiet mal-Ordni Sovran Militari ta’ Malta u kien jiġbor ukoll kollezjonijiet tal-pittura. Lorenzo hu l-awtur u pittur tal-ġabra ta’ pitturi li juri t-tmienja u għoxrin Gran Mastru tal-Ordni ta’ Malta li saltnu mill-1530 u l-1798, f’dawn il-gżejjer. Hu kien iddisinja wkoll il-kontenituri bil-fjuri li jdawru u jsebbħu l-istatwa titulari ta’ San Ġwann Battista fil-parroċċa tax-Xewkija. Lorenzo Haber kien ukoll wieħed mill-fundaturi tal-Banda tax-Xewkija Prekursur.