L-Ark tal-pjazza : mitt sena ilu

Abstract

Bejn it-24 u s-27 ta’ April tas-sena 1913 kien sar il-Kungress Ewkaristiku Internazzjonali f`Malta. Għal din l-okkażżjoni il-parroċċa tal-Mosta, Tar-Rabat, Malta, Mdina, Il-Belt Valletta u l-Furjana, ħasbu biex jarmaw l-armar tal-festa mill-isbah. Ħafna minnu nħadem ġdid u armar ieħor li ssellef minn parroċċi oħrajn. Naraw li fid-daħla ta-Putirjal u l-bini tat-Teatru Rjali intrama ark b’għoli b’erba kolonni bi globi b’anġli weqfin fuqhom bis-simboli tal-Ewkaristija f’idejhom. Fuqu kellu kitba “Lavda Melita Salvatorem”u f’nofsu fil-għoli s-simbolu tal-Ewkaristija fuqha. Meta ntemm dan il-Kungress Ewkaristiku l-armar li kien intuża kien inbiegħ lil diversi parroċċi, u fosthom il-parroċċa ta’ San Ġwann il-Battista tax-Xewkija f’Għawdex għad għanda l-ark li kien intuża mitt sena ilu. Dan l-ark jintrama fit-tarf tal-pjazza waqt il-jiem tal-festa ta’ San Ġwann.