Fr Philip Grech Salesja ta' Don Bosco : 100 sena mit-twelid tal-ewwel surmast tal-Kulleġġ Savio f'Ħad-Dingli

Abstract

Għal ħafna snin, Fr Philip Grech għex fir-raħal ta' Ħad-Dingli bħala parti mill-komunita Salesjana. F'għeluq il-mitt sena mit-twelid ta' dan l-awtur Salesjan, Savio D. Borg ilaqqagħna mal-karattru ta' dan il-bniedem disponibbli u akkoljenti, saċerdot umli u twajjeb, persuna maħbuba u rispettata Ii tat ħajjitha f'servizz ħalli tinbena soċjetà aħjar. Fr. Grech twieled fil-11 ta' Mejju 1921 f'Ħaż-Żebbuġ. Ta' 18-il sena daħal is-Seminarju Maġġuri u beda jipprepara għas-saċerdpzju. Nhar il-11 ta' Awwissu 1946 hu sar saċerdot u ntbagħat fl-Universita ta' Nottingham biex ikompli bl-istudji tiegħu. Meta lesta u ġie lura Malta huwa għallem fis-Seminarju Minuri għal-bosta snin u serva bħala kappillan tal-parroċċa ta' San Ġiljan, sakemm fl-1956 irriżenja u ssieħeb mas-Salesjani ta' Don Bosco. Fl-istess sena bdew isiru pjanijiet biex ġewwa Ħad-Dingli tiġi żviluppata skola, dak li kellu jiġi il-Kulleġġ Savio. Meta beda jopera l-kulleġġ fl-1968, Fr Grech serva bħala l-ewwel surmast tal-iskola. Fl-1973 huwa nħatar Assistent Ġenerali tal-Azzjoni Kattolika ta' Ħad-Dingli. Barra minn hekk, Fr Grech kien ukoll awtur; xogħlijiet tiegħu nsibu 'Il-Bniedem ta' Kulħadd', 'Noti Żgħar ta' Katekiżmu', 'Passi Żgħar Wara Mgħallem Kbir', u għadd ta' bijografiji.