Il-Kappuccini f'Malta : 400 sena ħidma 1589-1989

Abstract

Din is-sena qegħdin infakkru r-Raba Ċentinarju minn meta l-Gran Mastru ta' l-Ordni ta' San Ġwann, il-Kardinal Fra Hugues Loubenx de Verdalle, Benefattur kbir tal-Kappuċċini, daħħal għall-ewwel darba f'Malta, l-Ordni tal-Franġiskani Kappuċċini, meta bnielhom Kunvent u Knisja l-barra mill-Belt Valletta bejn l-1588 u 89. Kienu fwaqthom dawk il-kelmiet bil-Latin, imqiegħda taħt il-Kwadru tiegħu fil-kunvent tal-Furjana: "Solum, Umbram et Victum, Capuccinorum Familiae, praebuit hic primus Magnus Magister Frater Ugo Loubenx de Verdalle, Sanctae Romanae Ecclesiae Diaconus Cardinalis." Dan il-C.M. miet fidejn il-Kappuċċini fl-4 ta' Mejju 1595. Fit-3 ta' Mejju 1589 Padre Gabriele minn Piazza, Provinċjal ta' Sirakuża, flimkien mad-Definitorju tiegħu aċċettaw il-Kunvent ta' Malta, bħala wieħed mill-kunventi tal-Provinċja monastika tagħhom, liema kunvent baqa' jagħmel sehem minn dik il-Provinċja sa l-1740, bħala l-eqreb Provinċja Kappuċċina lejn Malta.