Il-laqmijiet fir-Rabat fl-1902

Abstract

Fost ir-reġistri li għandna fl-arkivju hemm dawk tal-iStatus Animarum, terminu li litteralment ifisser ‘l-istat tal-erwieħ’. Dan ir-reġistru kien speċi ta’ ċensiment tal-parroċċa u fih hemm irreġistrat kull membru ta’ kull familja f’kull triq tal-parroċċa. Ta’ min jgħid illi t-territorju tar-Rabat kien jinkorpora wkoll lill-Parroċċi tal-Fontana u tal-Għasri (peress li kienu għadhom ma twaqqfux bħala parroċċi separati), u Triq il-Ħamrija fix-Xewkija (sal-mitħna). Reġistri tal-iStatus Animarum għandna għas-snin 1918, 1928, 1942 u 1960 li huma ddettaljati ħafna u fihom anki d-data tal-Magħmudija ta’ kull membru tal-familja. L-ewwel tliet reġistri għandhom ukoll il-laqam tal-familja. B’kollox hemm ftit aktar minn 700 laqam u hemm tiżwiqa sħiħa – dawk li jindikaw il-mestier, karattru partikolari, karatteristika, sturment, kulur u oħrajn. Il-lista tal-laqmijiet hija maqsuma fi tliet partijiet minħabba li hi twila mhux ħażin.