Il-Fratellanza tal-Kunċizzjoni f'konflitti mal-Kanonku Alfons Caruana

Abstract

Lejn l-ahhar tas-Seklu Dsatax, il-politika f'pajjiżna kienet bdiet tbaqbaq u l-konflitti bejn il-partiti politiċi li kien hawn wasslu biex nawwru l-ghaqda f'ħafna mill-irħula Maltin. L-istess ġara fl-Imqabba. Il-konflitt kien immexxi fuq naħa mill-Kanonku Alfons Caruana, politiku Mqabbi li fl-1895 kien elett fil-Kunsill tal -Gvern, u Pawlu Caruana, negozjant tal-bhejjem u attivist tal-Partit Riformista ta' Sigismondo Savona. Parti mill-glieda kienet torbot mad-deċizjoni ta' l-Onorevoli Alfons Caruana li jneħħi s-salib tal-ġebel li kien ifakkar l-aggregazzjoni tal-Fratellanza tal-Kunċizzjoni ma' Ruma, u li aktar tard iressaq l-istatwa tal Kunċizzjoni minn posta sabiex joħloq pjazza bil-bankijiet u s-siġar. Grupp ta' Mqabbin immexxija minn Pawlu Caruana mexxew ġlieda ħarxa dwar dan. II-ferment li qajjmu l-kwistjonijiet fuq imsemmija rriżulta f'divizjoni bejn il-partiti tal-festa u effettwa bil-kbir il-ħidma tal-Fratellanza tal-Kunċizzjoni u l-Fratellanzi l-ohra fil-lokal. Minkejja dan, is-sens qawwi ta' devozzjoni baqa' hemm. Għal bosta snin il-Fratellanzi kienu l-organizzaturi prinċipali tal-festi fl-Imqabba.