Wara l-mewt ta' l-imħallef Prof. Wallace PH Gulia : ġentlom ta' qalb kbira u intelletwali b'fidi qawwija f'Alla

Abstract

L-aħbar tal-mewt tal-Imħallef Wallace Philip Gulia, li seħħet nhar il-Ħadd, 11 ta’ Ġunju, ġabet magħha sens ta’ telf kbir, għax kienet tfisser il-mewt ta’ wieħed mill-aktar ġudikanti sinċieri u onesti li kellha Malta. Bil-mewt tiegħu, il-pajjiż tilef iben denju li għamel ġieħ lil Malta permezz tal-ħajja integra tiegħu u l-kontribut sostanzjali li ta fl-amministrazzjoni tal-ġustizzja, fil-qasam tal-kultura u f’dak soċjali. Fuq kollox, kien bniedem ta’ prinċipji reliġjużi u morali sodi, li kellu fiduċja sħiħa fil-Mulej, anke matul il-perjodu twil tal-handicap fiżiku li laqtu meta kien riesaq lejn il-quċċata tal-karriera tiegħu, u li kompla jġarrbu b’kuraġġ sal-aħħar ta’ ħajtu, meta ssejjaħ għal ħdan il-Ħallieq Divin tiegħu.