Mitt sena miċ-ċentinarju tal-Kungress Ewkaristiku

Abstract

L-Erbgħa u Għoxrin Kungress inżamm f'Malta bejn it-23 u s-27 ta' April 1913. L-attivitajiet tal-Kungress kienu jinkludu Quddies Pontifikali f’diversi knejjes prominenti, fosthom il-Konkatidral ta’ San Ġwann, il-Katidral tal-Imdina u diversi parroċċi oħra madwar Malta. Saru wkoll ċelebrazzjonijiet speċjali bħat-Tqarbina tat-tfal f’San Publiju u akkademji reliġjuż. Wieħed mill-avvenimenti ewlenin kien il-purċissjoni solenni li fiha ħadu sehem mal-10,000 ruħ u mxiet mit-toroq ewlenin tal-Belt Valletta sal-Furjana. Din kienet segwita minn barka mill-Barrakka ta’ Fuq, fejn il-Kardinal Ferrata bierek il-port u l-poplu Malti, b’kull knisja madwar Malta tindaqq il-qniepen tagħha f’daqqa. Bħala tifkira ta’ dan l-avveniment, inbena l-monument ta’ Kristu Re, xogħol l-iskultur Antonio Sciortino, li ġie inawgurat fl-1917. Il-Kungress Ewkaristiku tal-1913 baqa’ mfakkar bħala wieħed mill-avvenimenti reliġjużi l-aktar importanti fl-istorja ta’ Malta, li wera d devozzjoni kbira tal-Maltin lejn l-Ewkaristija.