Lejn il-ħamsin sena mill-ftuħ tal-bażilika (1957-2007)

Abstract

Fi tmiem it-Tieni Gwerra Dinjija, I-Isla kienet ħerba waħda: djar imwaqqgħin, toroq imblukkati mid-debris u terrapien, u l-Bazilka ta' Marija Bambina imgarrfa kwazi għal kollox. Din il-belt kienet saret bħal belt abbandunata, għaliex ħafna minn uliedha kienu fittxew kenn mill-ħbit mill-ajru f'naħat oħra ta' Malta li kienu ħafna anqas ta' periklu. Imma malli ntemmet il-gwerra, il-ftit bini li kien għadu wieqaf, beda jigi msewwi u okkupat mill-ġdid, u n-nies reġgħet bdiet tigi lura fl-Isla bil-mod il-mod. L-Arċipriet ta' dak iż-żmien, il-Kanonku Emmanuel Brincat, kellu jiffaċċja l-problema ta' minn fejn kien ser jamministra l-Parroċċa. L-għażla ma setgħetx tkun ħlief li jagħmel użu mill-Knisja tal-Madonna tal-Portu Salvu, li fl-Isla hija aktar magħrufa bħala ta' San Filippu. B'xorti tajba, u wieħed jgħid li kwazi kwazi b'miraklu, dik il-Knisja kellha biss ħsarat tassew zgħar li malajr issewwew u għaldaqstant ma kienx wisq diffiċli biex giet temporanjament trasformata għall-użu tal-parroċċa. Fiha bdew jiġu amministrati s-Sagramenti u hemm bdew isiru l-funzjonijiet liturġiċi kollha, kemm dawk ordinarji, kif ukoll dawk specċali. Il-Kapitlu Senglean beda jiċċelebra fiha l-festi kollha daqs li kieku din il-knisja kienet effettivament il-Kolleġġjata.