Il-kuraġġ ċiviku u l-vjaġġatur li jgħallem mingħajr ma jaħkem

Abstract

Meta fis-seklu sittax Thomas More kiteb l-‘Utopja’, is-satira soċjopolitika dwar soċjetà gżirjana li tnixxi l-kuntentizza, l-awtur ħass il-bżonn li jibda dan ix-xogħol b’ittri li nktibu bejnu u wħud min-nies li ltaqa’ magħhom fil-vjaġġi tiegħu fl-Ewropa. L-ewwel ktieb ta’ dan it-test medjevali jagħtina x’nifhmu li dan ix-xogħol letterarju ma kienx mitbugħ sempliċiment biex iġammar il-fantasija fittizja fil-qarrej, iżda kien xogħol b’għeruq fondi fir-realtà mitkellma u mistħarrġa, bi preparazzjoni għall-kitba immaġinarja ta’ dinja li mhix. Aspett ieħor tal-ewwel ktieb tal-‘Utopja’ huwa d-dawl li jixħet fuq l-importanza tal-vjaġġ u n-nomadiżmu intellettwali fl-iżvilupp ta’ dinja li għad trid tkun; il-vjaġġi kurjużi li ma jieqfu qatt ilaqqgħu u jkellmu. [silta]