Il-presidenza ta’ Marie Louise Coleiro Preca bħala pedagoġija tat-tama

Abstract

L-impenn għat-tama f'dinja mgħarrqa fil-fataliżmu, l-indifferenza u l-qtigħ il-qalb mhuwiex proġett ta' qasir il-għomor, ta' ċiklu elettorali jew ta' populiżmu momentarju u predatorju. Hu proġett dejjiemi, imsejjes fuq l-għarfien li terriq il-promotur tat-tama għandu jkun dejjem fid-direzzjoni ta' dinja li għad trid tkun. Il-Pedagoġija tat-Tama għandha element qawwi utopiku, ħliem f'dinja li mhix. Dan il-ħolm jissawwar fl djalettika kontinwa mad-dinja li hi, mal-ħajja konkreta tal-lum, u mal-istoriċità ta' mixjet il-bniedem. Fil-Pedagoġija tat-Tama tingħaġen ir-reżistenza għall-oppressjonijiet u għall-fabbrikazzjoni tal-kunsens li tgaġġeġ lillimtarrfln fil-kultura tas-silenzju, fil-biża' mill-ħelsien, u fl-għamad ta' 'kuxjenza maġika' li taċċetta l-ħajja kif inhi bit-tisbir tal-premju etern. II-Pedagoġija tat-Tama tfisser reżistenza għall-ideoloġija tal-individwaliżmu u d-darwiniżmu soċjali u għall-ġustizzja tal-ġungla, ta' min hu l-aqwa jħawwel; proġett konkret tà possibbiltà li jħeġġeġ il-proliferazzjoni ta' demokraziji ġenwini li jisfidaw id-dittatura tas-suq, il-kultura tal-jien qabel kulħadd, tal-privatizzazzjoni tal-ġid komuni u l-jasar tal-komodiflkazzjoni tal-ħajja, filwaqt li jirkupra l-onestà, l-integrità, l-imħabba, id-djalogu, l-inklużjoni, is-solidarjetà, il-komunità u l-kollettività.