Eddie u l-għabex li qatt ma stenna

Abstract

Il-mod kif wieħed iqis u jevalwa l-legat tà politiku qatt ma jista' jkun newtrali. L-innoċenza u l-oġġettività preżunta minn qarrej il-bniedem mhi xejn għajr dilużjoni. B'din il-premessa, irrid nistqarr li l-memorja tiegħi tà Eddie, dejjem fi vjaġġ u qatt kompluta, hija tà politiku qrib il-Knisja Kattolika, moralment konservattiv, ekonomikament liberali, soċjalment kommess u impenjat u Ewropeist. It-tripid ideoloġiku tà xogħol, ġustizzja u libertà jankrawh fin-naħa xellugija tal-kontinwu Demokristjan; pożizzjoni ideoloġika li m'hemmx dubju hija ispirata mit-tagħlim soċjali tal-Knisja aktar milli mir-radikaliżmu xellugi. Din l-għażla politika konxja, ippermettiet lil Eddie li jirrikonċilja b'faċilità relattiva l-liberaliżmu ekonomiku mal-moralità konservattiva, u s-sens qawwi tà ġustizzja soċjali mal-proċess kawt tà privatizzazzjoni tà aspetti tal-operat pubbliku. Din l-ibridità, frott il-lokazzjoni politika u l-esperjenza pragmatika tiegħu, akkomodat wieħed mill-proġetti tà ħajtu, proġett li laħaq il-milja tiegħu bid-dħul tà Malta fl-Unjoni Ewropea. F'era tà polarizzazzjoni soċjali u ekonomika bla preċedent, f'dan il-kapitlu nistaqsi jekk il-proġett Ewropew, li dejjem waħħad id-demokrazija mal-ġustizzja soċjali, għadux jingħaraf minn Eddie. [Silta]