L-arkeoloġija ta' Malta

Abstract

L-għan tagħna f'dan il-ktieb kien li nagħtu rendikont fil-qasir ta' l-iżvilupp ta' l-arkeoloġija f'pajjiżna, u li nirrakkuntaw l-istorja tal-bniedem f'Malta mill-fdalijiet arkeoloġiċi li ħalla warajh. Din il-ħidma xejn ma kienet faċli. Lewwelnett mhijiex faċli li f'kitba waħda tirrakkonta l-istorja ta' sebat elef sena u t-tieni nett mhux għal kull perjodu nsibu fdalijiet biżżejjed biex jagħtuna stampa ċara ta' x'kien qed jiġri. Madankollu aħna żammejna strettament mal-wirt arkeoloġiku sabiex nippruvaw inressqu lejn il-qarrejja l-esperjenzi ta' l-arkeoloġi, li jfittxu li jifhmu l-passat tal-bniedem mill-fdalijiet li jkun ħalla. Kull meta dħalna fil-qasam ta' l-istorja, dan għamilnieh kemm jista' jkun fil-qosor u għaliex ħassejna li kien meħtieġ biex ir-rakkont arkeoloġiku jiftiehem sewwa. [ Silta meħuda minn: Kelmtejn ta' Qabel, miktuba mill-Awturi ].