Ħal Għaxaq u l-inħawi ta' madwaru : il-wirt arkeoloġiku

Abstract

F'din il-kitba sejjer nagħti titwila panoramika fuq il-ġrajja qadima ta' Ħal Għaxaq, mill-Preistorja sal-Medju Evu. Billi l-kitba u d-dokumenti storiċi għal dawn iz-zminijiet huma siekta għal kollox, dan ir-rakkont jibbaza ruħu għal kollox fuq il-wirt arkeoloġiku. Għal dan il-għan, mhux ser nillimita ruħi għas-sejbiet arkeoloġiċi li saru f'Ħal Għaxaq innifsu jew fil-konfini tal-Kunsill Lokali tiegħu, li huma mil-lenti ta' l-arkeoloġija għal kollox arbitrarji, izda ser nestendi l-firxa ta' din it-titwila sa mhux aktar minn kilometru lejn il-punent u l-lvant, u mhux iktar minn zewġ kilometri lejn it-tramuntana u n-nofsinhar. F'dawn il-limiti ser niffoka fuq dawk il-fdalijiet li ma jinstabux go l-abitat ta' raħal ieħor jew lil hinn minn dak l-istess raħal. Bħala ezempji: ser niffoka fuq Għar Dalam u fuq il-Villa Rumana f'Ta' Kaċċatura għaliex dawn jinsabu bejn Ħal Għaxaq u Birzebbuġa; izda mhux ser ninkludi l-fdalijiet ħdejn Bir Miftuħ għaliex dawn huma Iil hinn mill-Gudja, u lanqas l-Villa Rurnana taz-Zejtun għaliex din tinsab fl-abitat ta' dak ir-raħal.