Editorjal : il-gabra tal-Qabar ta' Kristu

Abstract

Niftakar meta kont għadni tifel li, darba fis-sena, ommi kienet tgħid li kienet se ssir il-ġabra “għall-Qabar ta’ Kristu” fil-knisja ta’ Ġieżu tar-Rabat. Niftakar ukoll fra sempliċi u dħuli, dejjem jitbissem, li kien jiġi bieb bieb jiġbor għall-Qabar ta’ Kristu. Kien jismu Fra Ġwann Campbell, u jiena sirt nafu tajjeb meta mbagħad dħalt Patri Franġiskan u kont midħla tal-Kunvent tal-Belt fejn għex għal snin twal sakemm marda kiefra ħasditlu ħajtu. Illum il-ġurnata l-ġabra “għall-Qabar ta’ Kristu” hi magħrufa aħjar bħala l-ġabra għall-Missjoni tal-Art Imqaddsa. Forsi ftit huma dawk li jifhmu eżattament l-importanza ta’ din il-ġabra u xi tfisser għall-Franġiskani tal-Art Imqaddsa. L-iskop tiegħi hu li nagħti ftit tagħrif li jista’ jkun ta’ għajnuna.