L-inawgurazzjoni tas-I7 u t-18-il mafkar fir-Razzett tal-Markiż

Abstract

Hi l-għaxqa tal-Għaqda Filantropika Talent Mosti, meta fir-Razzett tal-Markiż, infakkru persuni li jkunu taw il-kontribut siewi tagħhom lis-soċjeta. F'dawn l-attivitajiet, nixħtu dawl ġdid fuq dawk li jkunu hadmu qabilna, b'risq dak kollu li hu sabiħ u ta' benefiċċju fil-ħajja tal-poplu tagħna. Fuq l-istess ħsieb, hemm ukoll l-inizjattiva ta' twaqqif ta' bustijiet f'ġieħ dawn il-persuni li meta kienu mimlija bl-għomor, ħadmu b'risq l-arti, il-letteratura, il-kultura u l-filantropija ta' art twelidna. U nhar il-Ġimgħa 22 ta' Mejju, 2015, komplejna nxettlu din l-oasi ta' sliem bit-twaqqif ta' żewġ bustijiet oħra. B'hekk din l-inizjattiva b'għan nobbli, kibret għal tmintax-il mafkar. Dakinhar, fakkama l-memorja għażiża ta' żewġ personaġġi oħra, li t-tnejn li huma, inzertaw mill-Belt Valletta. Qegħdin nirreferu għal Vincenzo Maria Pellegrini u Charles Arrigo.