L-Arċipriet Dun Ġużepp Grech : 50 sena minn mewtu

Abstract

Dun Ġużepp Grech twieled ir-Rabat, Għawdex, fl-1 ta’ Lulju 1908, u ġie ordnat saċerdot fis-16 ta’ Marzu 1935. Huwa kien serva bhala kappillan tal-kor fil-katidral ta’ Għawdex, prefett u għalliem fis-Seminarju, rettur tal-knisja tax-Xlendi u serva wkoll bħala viċi parroku fil-bażilika ta’ San Ġorġ. Ir-rabta max-Xewkija bdiet fit-8 ta Mejju 1946 meta nħatar Arċipriet-Kuġitur ‘cum futura seccesione’, tal-Arċipriet Dun Anton Grima. Ħa l-pussess ta’ arċipriet b’solennita’ kbira fil-11 ta’ Awwissu 1946 u mill-ewwel tefa’ ħsibijietu fuq il-pjan ta’ knisja ġdida. Fiż-żmien il-parrokat tiegħu kienet tpoġġiet l-ewwel ġebla tal-knisja, fl-4 ta Mejju 1952, u naraw li fi żmienu, kienu għamlu żjarat diversi persuni għolja fix-Xewkija, fosthom ir-Reġina Eliżabetta. Fi żmien l-istess parrokat, kien beda fix-Xewkija l-Leġjun ta’ Marija u reġghet ingħatat il-ħajja l-Banda Prekursur.