Ir-Raħal ta' Skorba

Abstract

Is-sit ta’ Skorba, qrib iż-Żebbiegħ, huwa wieħed mill-aktar importanti għall-preistorja Maltija għax juri li qabel it-tempji kien hemm raħal Neolitiku li beda madwar 5200 Q.K. L-ewwel abitanti, li x’aktarx ġew minn Sqallija, kienu bdiewa u kaċċaturi li bnew għarajjex, rabbew annimali u kkultivaw l-art. L-iskavi kixfu żewġ tempji megalitiċi u ħafna fuħħar li juri żewġ fażijiet: Skorba l-Griza, żmien ta’ diffikultajiet u nixfa, u Skorba l-Ħamra, żmien ta’ prosperità u tkabbir. Instabu wkoll evidenzi ta’ kult reliġjuż ibbażat fuq il-fertilità, inkluża statwetta tal-“Alla Mara”. Skorba għalhekk huwa kruċjali biex nifhmu l-bidu tal-kultura tat-tempji u l-iżvilupp tal-ewwel komunitajiet f’Malta.