Din it-taqsima tappartjeni għall-Pjan Strateġiku 2020-2025, li jestabilixxi l-għanijiet u l-prijoritajiet tal-Università, il-fakultajiet, id-dipartimenti, iċ-ċentri, l-istituzzjonijiet u l-iskejjel tagħha.
|
L-Istrateġiji Biex Nilħqu l-Għanijiet |
L-Impenji |
|
|
L-Università se tipparteċipa fis-sorveljanza bir-reqqa u b’sensibilità tad-dħul u n-nefqa. B’hekk inkunu nistgħu nirreaġixxu minnufih u b’mod effettiv għall-isfidi li niltaqgħu magħhom fil-kuntest tal-finanzjament pubbliku estern u internazzjonali. Biex nikkontrollaw ir-riżorsi finanzjari u niżguraw is-sostenibbiltà ekonomika fit-tul tal-organizzazzjoni, napprezzaw li l-kontroll tal-operat tar-riżorsi jiġbor fih l-għanijiet kollha tagħna.
Se naraw li ntejbu l-integrazzjoni tal-istrutturi ta’ appoġġ finanzjarju biex niżguraw li l-ambjenti tat-tagħlim u tar-riċerka jkunu kkumplimentati bl-aqwa prattiċi tal-immaniġġjar tal-organizzazzjoni, inkluż b’miżuri u rappurtaġġ ekonomiku. L-adozzjoni ta’ metodi tal-operat moderni u aġġornati joħolqu titjib fil-klima tax-xogħol tal-akkademiċi u l-amministraturi kollha u twasal għal tnaqqis sostanzjali fl-ispejjeż billi ttejjeb l-effiċjenza.
Il-pożizzjoni strateġika li qed tieħu l-Università hija waħda ta’ setgħa permezz tal-aċċessibiltà tal-informazzjoni u l-allokazzjoni tar-riżorsi. Din tista’ tgħin fl-immaniġġjar b’deċiżjonijiet ibbażati fuq l-informazzjoni. Permezz tal-kollaborazzjoni ta’ numru ta’ diviżjonijiet amministrattivi, jiġu installati għodod ta’ informazzjoni li jsaħħu d-data minn sistemi differenti f’sistema unifikata li tipprovdi r-rapporti neċessarji.
Flimkien ma’ din l-attività, l-Università se tipprovdi viżibbiltà akbar tal-baġits li bħalissa huma ristretti biss għall-baġits tal-operat tat-taqsimiet akkademiċi u amministrattivi. Din l-informazzjoni se tkun akkumpanjata b’informazzjoni li tirrifletti metodu tal-ispejjeż ibbażat fuq l-attività, li ilu jinżamm u jiġi rfinut għal dawn l-aħħar snin.
L-istrateġija tagħna se tkun li nipproteġu u nrawmu s-sorsi tagħna tad-dħul billi naħtfu l-opportunitajiet li għadhom ma ttieħdux, bħall-provvista ta’ żvilupp professjonali kontinwu bi ħlas, edukazzjoni eżekuttiva, u tagħlim elettroniku ċċertifikat. Għandna l-ħsieb li niddiversifikaw id-dħul tagħna u li nkomplu naħdmu fuq strateġija komprensiva ta’ żvilupp biex niffinanzjaw l-istrateġiji ewlenin u l-għanijiet akkademiċi fit-tul tagħna.
L-Università se tinvesti f’persunal imħarreġ li hu jew se jkun f’pożizzjoni li jimmaniġġja l-fondi u jieħu d-deċiżjonijiet għal taqsimiet speċifiċi fi ħdan l-Università skont is-sistemi l-ġodda tar-rappurtaġġ. Is-sessjonijiet ta’ taħriġ u ta’ informazzjoni dwar ir-rapporti tal-kontabilità u l-evalwazzjoni tagħhom se nestenduhom ukoll għall-akkademiċi u l-amministraturi.
Se jiġu stabbiliti persuni ta’ kuntatt għat-taqsimiet akkademiċi u amministrattivi biex jipprovdu s-sapport u l-għarfien finanzjarju fl-interpretar tal-informazzjoni, fit-twettiq ta’ azzjoni ta’ mmaniġġjar u fil-fehim tal-proċessi tal-kontabilità.
L-Università tħeġġeġ stil ta’ akkwist li jħares iżjed l-ambjent f’konformità mal-prinċipji tal-ekonomija ċirkolari. L-akkwist ċirkolari jimmira għall-ksib ta’ prodotti u servizzi li jnaqqsu l-iskart, li jippromwovu l-użu mill-ġdid tiegħu, u li jnaqqsu l-effetti negattivi fuq l-ambjent.