F'din it-tieni edizzjoni fis-sensiela ta' programmi mill-Kampus għal Komunita', l-Uffiċċju tal-Prorettur għal-ippjanar strateġiku u s-sostenibbilita' flimkien ma' membri miċ-Ċentru għall-edukazzjoni u riċerka ambjentali u l-Fakulta' ta' l-Edukazzjoni, għażel li joffri opportunita' lill-istudenti biex jitkellmu dwar inizjattivi jew riċerka li mexxew jew qed jagħmlu fejn it-tema ewlenija tibqa' is-sostenibbilita'.
Hemm diversi għanijiet li jintlaħqu permezz tal-programm fosthom li tingħata informazzjoni aġġornata dwar inizjattivi relatati mal-Għanijiet ta’ Żvilupp Sostenibbli (SDGs) li qed jitwettqu fl-Università ta’ Malta; nuru l-impatt u r-rilevanza ta’ dawn l-inizjattivi fuq livell lokali u globali, b’enfasi fuq l-involviment tal-komunità u l-applikazzjonijiet prattiċi u titqajjem kuxjenza fost is-semmiegħa dwar id-diversi dimensjonijiet ta’ żvilupp sostenibbli (i.e. ambjentali, soċjali, ekonomika u kulturali) u l-interrelazzjoni bejniethom. Permezz tar-recordings li jsiru għal kull programm, dawn id-diskussjonijiet informattivi jistgħu jservu ukoll bħala riżorsa edukattiva għal webinars, korsijiet online u programmi universitarji relatati mas-sostenibbiltà u l-SDGs.
Jippreżentaw il-programm Prof Paul Pace u Dr.Jane Spiteri.